ဦးဇော်မင်းထွန်း၊ ဦးဖြိုးမောင်မောင်၊ ဦးဝင်းနေလှိုင်၊ ဦးကျော်ဇေယျ၊ ဦးအေးခိုင်၊ ဦးဇော်လင်းထွန်း၊ ဦးဘုန်းနိုင်ကျော်၊ ဦးလှသန်းထိုက် တို့၏ တူညီသောစိတ်အခြေခံ ဆွေးနွေးမှုများဖြင့် လူမှုဘဝစောင့်ရှောက်ရေးပရဟိတအသင်း (ရွှေပြည်သာမြို့နယ်) ကို ၂၀၂၀-ခုနှစ်၊ နိုဝင်ဘာလ (၃)ရက်နေ့တွင် ဤအသင်းကြီးအား အမှတ်(၈)ရပ်ကွက်၊ မင်္ဂလာပန်းခြံ၌စုစည်းကာ ညီအကိုတို့၏ အကြံပြုချက်၊ သဘောတူညီချက်၊ ဆုံးဖြတ်ချက်များရယူ၍ ဖွဲ့စည်းတည်ထောင်ခဲ့ခြင်းဖြစ်ပါသည်။

ဤအသင်းကြီးသည် လူမှုစားဝတ်နေရေး၊ ကျန်းမာရေး၊ ပညာရေး၊ ဘာသာရေး၊ သာရေးနာရေး၊ သဘာဝဘေး စသည့် အခြေခံကျသော လူမှုအခက်အခဲလိုအပ်ချက်များကို အကူအညီပေးနိုင်ရန် အတ္တမပါသော ပရဟိတစိတ်ဓါတ် အပြည့်အဝဖြင့် မိမိတို့၏ရပ်ကွက်မြို့နယ်အတွင်းသာမက မြန်မာနိုင်ငံတစ်ဝှမ်းရှိမြို့နယ်၊ ခရိုင်၊ တိုင်းဒေသကြီး၊ ပြည်နယ် များပါမကျန် ကူညီဆောင်ရွက်ပေးနိုင်ရန် ဖွဲ့စည်းတည်ထောင်ထားခြင်းဖြစ်ပါသည်။

ဤသို့ဖြင့် We Love Care Burma – လူမှုဘဝစောင့်ရှောက်ရေးပရဟိတအသင်း ကို နိုင်ငံတော်၏ အခြေခံလိုအပ်ချက်များနှင့် ဖွံ့ဖြိုးတိုးတက်ရေးလုပ်ငန်းများအား ကူညီဆောင်ရွက်ပေးနိုင်ရန် စည်းကမ်းကျနပြီး အဓွန့်ရှည်တည်တန့်ခိုင်မြဲ၍ အနာဂါတ်တွင် ဦးဆောင်နိုင်မည့် မျိုးဆက်သစ်ပုဂ္ဂိုလ်တို့အား အခက်အခဲ တစ်စုံတစ်ရာမရှိ လွှဲပြောင်းပေးနိုင်ရန် ကြိုးစားရုန်းကန် ဆောင်ရွက်နေသော အသင်းကြီး ဖြစ်ပါသည်။