ကဆုန်လပြည့် ဗုဒ္ဓနေ့ အကြောင်း

၁။ ဗုဒ္ဓဘာသာဝင်တို့၏ နေ့ထူးနေ့မြတ်ကြီး

ဖြစ်ပါသည်။ ကဆုန်လပြည့်နေ့၏ ထူးခြားချက်မှာ (ဗျာဒိတ်၊ ဖွားမြင်၊ ဗောဓိပင်၊ စံဝင် နိဗ္ဗာန် နန်း) ဆိုသည်နှင့်အညီ သုံးလောကထွဋ်ထား သဗ္ဗညုမြတ်စွာဘုရားနှင့် စပ်လျဉ်း၍

(၁) ဗျာဒိတ် ခံယူတော်မူသောနေ့

(၂) ဖွားမြင် တော်မူသောနေ့

(၃) ဘုရားဖြစ် တော်မူသောနေ့

(၄) ပရိနိဗ္ဗာန်စံ တော်မူသောနေ့

ဤထူးခြားချက် လေးမျိုးနှင့် ပြည့်စုံနေပါသည်။

ထို့ကြောင့် ဤနေ့ကို ‘ကဆုန်လပြည့် ဗုဒ္ဓနေ့’ ဟု အမွှန်းတင် ခေါ်ဆိုကြပါသည်။

၂။ ကဆုန်လပြည့်နေ့တွင် မာရ်နတ်ရန်ကို အောင်မြင်တော်မူသောကြောင့် ဤနေ့ကို

‘ကဆုန်လပြည့် မာရ်အောင်နေ့’ အဖြစ် ဗုဒ္ဓဘာသာဝင်တို့၏ စိတ်အစဉ်တွင် စွဲမြဲ၍ နေကြပါသည်။

၃။ ဝိသာခါနက္ခတ်နှင့်ယှဉ်၍ ဖွားတော်မူခြင်း၊ ပရိနိဗ္ဗာန်စံတော်မူခြင်းများကို အကြောင်းပြု၍ ‘

ဝိဆခ်ဒေ’ (Vesak Day) ဟုခေါ်ဆိုကြပါသည်။ ဝိသာခါဒေး (Visakha Day)ဟု ဆိုလိုပါသည်။

၄။ ဗုဒ္ဓဘာသာဝင်တို့သည် ဘုရားဖြစ်သော နေ့ထူးနေ့မြတ်ကို အာရုံပြု၍ ကဆုန်လပြည့်နေ့၌ ပရိဘောဂစေတီထိုက်သော ဗောဓိပင်ကို ရေသွန်းလောင်းလေ့ရှိကြပါသည်။

၅။ ဗောဓိပင်သည် သဗ္ဗညုတဥာဏ်တော်ကိုရ၍ ဘုရားဖြစ်တော်မူရာ ဌာနဖြစ်ခြင်း၊ ဖွားဘက်တော် ခုနှစ်ပါးတွင် စားရင်းဝင်ဖြစ်ခြင်းတို့ကြောင့် ထူးခြားသော သစ်ပင်တစ်မျိုးဖြစ်ပါသည်။

ဤသို့ မြတ်စွာဘုရားနှင့် တိုက်ရိုက်ဆက်စပ်နေသည့် ဗောဓိပင်၌ ရေသွန်းလောင်းခြင်းအစဉ်အလာကို ခေတ်အဆက်ဆက်ပြုလုပ်လာခဲ့ကြပါသည်။

၆။ မြန်မာ့ရိုးရာ ၁၂လရာသီပွဲတော်များအနက် ကဆုန်လ၌ ညောင်ရေသွန်းပွဲတော်ကို ရိုးရာပွဲတော်အဖြစ် အစဉ်အလာသတ်မှတ်ခဲ့ကြပါသည်။

၇။ အသနဗောဓိယမထေရ်၏အလောင်းသည် တိဿဘုရားရှင်၏ ဗောဓိပင်ကို စိုက်ပျိုးပူဇော်ရသောအကျိုးကြောင့် နတ်ပြည်၌ဖြစ်ရခြင်း၊ စကြာမင်းဖြစ်ရခြင်း၊ အပါယ်ဘေးမှလွတ်ကင်းရခြင်း အကျိုးများကို ခံစားရကြောင်း (ထေရပါဒါန်) ကျမ်းဂန်၌ ဟောကြားထားကာသည်။

၈။ အထက်ပါအကြောင်းအရာကို နှလုံးသွင်း၍ ဗုဒ္ဓဘာသာဝင်သူတော်စင်များအနေဖြင့် နှစ်စဉ် နှစ်တိုင်း ကဆုန်လပြည့်နေ့ရောက်တိုင်း ဗုဒ္ဓရုပ်ပွား ဥဒ္ဒိဿ စေတီတော်များကို အနေကဇာတင် မင်္ဂလာဆင်ယင်ကျင်းပ၍ ကုသိုလ်ထူးကို ဆည်းပူးလေ့ရှိကြပါသည်။ ကျောင်းကန်ဘုရားသို့သွား၍ ဒါန၊သီလ၊ ဘာဝနာအမှုကိုပြုလုပ်၍ ကဆုန်လပြည့်ဗုဒ္ဓနေ့ကို အထူးဆင်နွှဲကြပါသည်။

မြန်မာ့ရိုးရာ ၁၂လရာသီပွဲတော်များအနက် ကဆုန်လတွင် ညောင်ရေသွန်းပွဲတော်ကို

(၁) ပွင့်ရာဗောဓိပင်အားရည်မှန်းခြင်း

(၂) ရေပြတ်ချိန်မှာ မညှိုးနွမ်းစေလိုခြင်းဟူသော အကြောင်းနှစ်မျိုးဖြင့် ကျင်းပခြင်းဖြစ်ပါသည်။

Credit…

၃-၅-၂၀၂၃ (ဗုဒ္ဓဟူးနေ့ )

ပြန်လည်ကူးယူတင်ပြအပ်ပါသည်။