တိတ္ထိရန်ဖြို မြတ်ဝါဆို

အလုံးစုံသော ကိုယ်တော်မှ ထွက်ပေါ်လာသော ရေအစုံ၊ မီးအစုံ အဖုံဖုံသော တန်ခိုးပြာဋိဟာ ရောင်ခြည်တော်တို့သည် ပြိုးပြိုးပြက်ပြက် အထက်ဗြဟ္မာပြည်တိုင် ပျံတက်တော်မူ၏။ ထို့ပြင် မြတ်ဗုဒ္ဓသည် နိမ္မိတရုပ်ပွားတစ်ဆူကို ဖန်ဆင်းတော်မူလျက် လျောင်းကာ၊ ထိုင်ကာ၊ စင်္ကြံလျှောက်ကာဖြင့် အမေးအဖြေပြုလုပ်၍ ခပ်သိမ်းကုန်သော သတ္တဝါအများကို ဒေသနာအမြိုက်ဆေး တိုက်ကျွေးခဲ့သည်မှာ ဝါဆိုလပြည့်နေ့ တစ်နေ့လုံးဖြစ်ပြီးကုဋေမကသော သူတို့သည် သစ္စာလေးပါး တရားတော်မြတ်ကို မျက်မှောက် ပြုကြကုန်၏။